PERFEKTE 2 SLAAPKAMER, 2 EN-SUITE WONING MET RUIMTE EN MOOI TUIN

Geleë in die gewilde Golf Park in Naboomspruit, bied hierdie perfek onderhoude 2-slaapkamer, 2 en-suite badkamer woning die ideale “intrek-en-bly” geleentheid. Die huis is in ’n doodloopstraat geleë wat ekstra stilte, privaatheid en veiligheid verseker — perfek vir rustige Bosveld-lewe.

Die eiendom beskik oor drie motorhuise, waarvan een twee ekstra water opgaartenks netjies huisves en versteek. Daar is ook ’n buite-stoorkamer vir ekstra pakplek, asook ’n grasdak-lapa — ideaal vir onthaal gedurende die warm somermaande saam met familie en vriende.

Wanneer jy by die voordeur instap, is die kombuis aan jou linkerkant en die eetkamerruimte aan jou regterkant. Die ruim en ligte sitkamer, met twee groot vensters wat uitkyk oor die tuin, skep ’n heerlike oop en verwelkomende atmosfeer. ’n Deur aan die regterkant van die sitkamer lei na die agterkant van die huis waar ’n pragtige, smaakvol uitgelêde tuin en die lapa-area jou inwag.

Die kombuis, eetkamer en sitkamer vorm ’n praktiese oopplan-uitleg wat vloei en gemaklike leefruimtes skep. Die eerste slaapkamer se ingang is vanuit die eetkamer-area, terwyl die tweede slaapkamer regs van die kombuis en sitkamer geleë is. Beide slaapkamers beskik oor netjiese, ruim ingeboude kaste en elkeen het sy eie en-suite badkamer.

Die hoofslaapkamer bied boonop ’n ekstra studeerkamer of stokperdjie-/naaldwerkarea wat ook ideaal as ’n babakamer ingerig kan word — perfek vir ’n jong paartjie of iemand wat van ’n kreatiewe ruimte hou.

Die woning het 'n sentrale waterverkoeling sisteem wat die hele huis koel hou in die somer en 3 water opgaartenks om gemoedsrus t.o.v. watervoorsiening te verseker

Die tuin is pragtig en smaakvol uitgelê met lae onderhoud, wat beteken jy kan die buitelewe geniet sonder baie werk.

Hierdie woning is besonder netjies en uitstekend versorg — reg vir intrek en bly. As ekstra bonus kan die meubels apart aangekoop word (met uitsondering van ’n paar sentimentele items wat die eienaar wil behou).

’n Ware juweel in ’n gesogte area — kontak ons gerus om ’n besigtiging te reël.